نغسل الفول البلدي ثم نقطعه إلى قطع صغيرة, ثم نضعه في طنجرة ونفرم رأس بصل ونضيفه إليه، ونضيف الهن الحواجة والبهارات وزيت الزيتون. و نقلبهم على النار إلى أن يستوي الفول، أو يتغير لونه دلالة إنه قد ذبل, ثم نضع اللبن المخيض إليه ونحركه إلى أن يغلي اللبن ثم نغطيه. ننقع القليل من الرز ثم نصفيه بطنجرة ثانية, نكون قد وضعنا فيها زيت وماء وملح, إلى أن يغلي نضيف الرز إليه، نغطي الطنجرة ونتركها على نار هادئة، عندما يستوي الرز نضعه في جاط ونقدم اللبن والفول في صحون زجاج عميقة

أول شي بنقعم الفليفلة الحلوة وبنظفها من داخلها من البزر، وبعدين بنعمل الحشوة، بننقع رز وبنصفيه، وبعد ما نجهز الأرز بنحط فوقه بندورة مقطعة صغيرة جدا وبازيلاء وجزر، وبنحط فوق الحشوة ملح وفلفل أسود وزيت، وبنخلطه مع بعضه البعض، وبعد ما يستوي الأرز بنقطع نعنع أخضر وبنخلطه مع الأرز، وبعد ما يبرد الأرز بنحشي الفليفلة الحلوة وبنحطها بصينية وبنرصها، وكل حبة بنحشيها وبنغطيها، وبعد ما نعبي الصينية بنحط عليها صلصلة بندورة مع مية وبنغطي الصينية بقصدير وبنتركها على الغاز 45 دقيقة، وبعد ما تستوي تقدم، ونضع الفليفلة في صحون وتؤكل بالمعلقة.

المكونات: حمص منقوع قبل بليلة، وبقدونس مفروم ناعم، وبصل مفروم ناعم، وبهارات، وكربون الأكل على شان ننفخه، والفلفل، وزيت مازولا للقلي.

أول شي بنجيب الدجاج بنقطعه وبنغسله، وبنحط عليه الليمون أو خل الليمون وبنرجع بنغسل الدجاج، وبنحطه بطنجرة وبنحط عليه ميه وبنسلقه، وبنفرم عليه بصلة صغيرة، وبنحط كمان ملح وفلفل أسود، بس يغلي بنشيل الزفرة عن وجه الطنجرة.

بنصول الفريكة وبعدين بننقعها لمدة عشر دقائق، بس يستوي الدجاج نحطه بأرض الطنجرة وبنحط فوقه الفريكة المصفية، وبنحط فوقها مية السلق، وتكون المية مرتفعة شوي، ونتركها حتى تستوي، وآخر شي بنقدح عليها سمنة بلدية، وأخيرا نقلب الطنجرة بسدر ونزين باللوز والصنوبر المحمص، وتقدم مع السلطة أو اللبن.

بنسلق اللحمة لمدة ساعة ونص، بنحط على اللحمة ملح وفلفل، بعد ما تستوي اللحمة بنجيب صينية وبنحط فيها خبز شراك، بنفرده جوا الصينية، وبنحط فوقه اللحمة المسلوقة، بعد هيك بنحط عليه اللوز والصنوبر، وبنحط على الخبز السمنة البلدية، بعد هيك بنشرب الخبز بماء اللحم المسلوق، وبعد هيك بنقدمه ساخن. ويتاكل باليد.

بالبداية نقوم بتقطيع الخبز إلى قطع صغيرة، يوضع في صينية، ومن ثم نقوم بغلي الحليب على الغاز حتى يغلي، ونضع السكر عليه حسب الرغبة، وعندما يغلي ننزله عن النار ويضاف إلى الخبز المقطع ويترك فترة ربع ساعة حتى يذوب الخبز بالحليب مع التحريك حتى تتشرب جميع القطع الحليب بشكل جيد، ويؤكل مع السمن البلدي أو الزبدة البلدية، ويفضل أكله ساخنا.

لعمل الزيتون المحشي أكثر من حشوة، جبنة بيضا أو جزر أو بالشطة، بس بالأول نشيل البزرة بمكبس الزيتون كل حبة بحبتها، وبعدها ننقعه بالمي لمدة (15) يوم، وكل يوم نغير المي، بعدها نكون محضرين الحشوة، يا جزر أو شطة أو جبنة بيضا، بعدها بنحط كل حبة ونحشيها، ونحط الحبة المحشية بالمرتبان، لما نخلص نحط زيت زيتون أو ماء وملح نذوبه على جنب، بعدها نصبه فوق المرتبان ونسكره حتى يستوي.

حشوة الشطة نعملها: نفرم الفليفلة الحلوة الحمرة على ماكينة اللحمة طحن كامل، ونحط معها ليمون ونطحنه كمان بقشره، ونخلطهن مع بعض، ونحط على الخلطة شوية زيت زيتون وجزر وجبنة بيضا نكون مقطعينهن على شكل أصابع.

نفرم رأس بصل فرمة ناعمة، وندق القليل من الثومة ونضعها في جاط، ونفرم عليها بقدونس فرمة ناعمة, ونرش عليها ملح ونعنع ناشف وحواجة.

نضيف إليها البيض المخفوق ونحركه جيدا، ثم نبدأ بإضافة الطحين ونحرك تدريجيا إلى أن يصبح المزيج متماسكا وغير رخو وغير جامد جدا.

نضع الزيت بالمقلاة إلى أن يسخن، ثم نضيف الخليط كاملا في المقلاة ونتركه قليلا إلى أن يتحمر، ثم نقلبه على الجهة الأخرى إلى أن يتحمر أيضا، ثم نضعه في صحن ونقطعه إلى قطع متوسطة الحجم.

عند قطف ورق العنب نقوم بغسله جيدا ووضعه في طنجرة ووضع الماء عليه، ونقوم بسلقه لمدة نصف ساعة، بعد ذلك نقوم بإزاحة الماء عنه ونتركه ليبرد، نكون قد جهزنا الحشوة وهي عبارة رز منقوع لمدة نصف ساعة أو أكثر، يخلط مع الرز لحم مفروم ناعم، وثوم مفروم، وبندورة مقشرة، ونعنع يابس مطحون، نقوم بحشوة ورق العنب ولف الورقة بشكل عامودي لتصبح عامودية، وبعد ما نقوم بلف الورق نقوم بوضعه بطنجرة ويوضع مع ورق العنب الدجاج المسلوق أو اللحم المسلوق أسفل الطنجرة، ويمكن إضافة شرائح بندورة و شرائح بطاطا وليمون حامض ومكعب مرقة دجاج بالإضافة إلى الملح والبهار حسب الرغبة، بعد ذلك توضع الصلصة ولا بد أن تصل لأعلى الطنجرة، ويج

المقادير: نحتاج إلى طحين، وكوبين ماء ساخن، وملعقة صغيرة خميرة فورية، وكوبين قطر، ورشة ملح، وسكر، وملعقة كبيرة نشا.