في الصباح الباكر يحضر كل من اهل العروس من والدها وأمها وأخوانها وأخواتها ويحضر والد العروس زبيحه يذبحها قريبه من بيتهم ويأكل منها كل من العريس والعروس وهذا يسمى "فطيرة البخت ويقول الراوي بتبقى العروس في بيتها لمدة ثلاث ايام ولا تخرج ثم تقوم والدة العريس في اليوم الاخير بصنع الطعام وتدعوا له الجارات وتخرج العروس من بيتها لتمارس حياتها اليومية يقول الراوي كان هذا قديماً اما في الوقت الحاضر يحضر الاهل الحلويات وتطمئن الام على ابنتها وتسهر عندها وبعد ذلك تغادر

 بتكون ثاني يوم بعد الزفاف الصبح بصحوا العرسان وبلبسوا العرسان  أواعي الزفاف يعني العريس بلبس بدلتو والعروس بتلبس بدلتها وبيجو أهل العريس المقربين أنو عند بيت العريس زي أبوه واموه وخالاته وعماتوه وبصيرو يغنولوه زي "صباحيه مباركه ياعريس ومباركه علينا يا عروس وتبكري بالصبي يلعب حوالينا" او جيتك مباركه على السلف والسلفه وتبكري بالصبي وتكثري الخلفه  او  وطير أخضر على قميصك يا عروس طير ومباركه على عريسك وقدومك خير وبعملوا أهل العريس الشراب وبضيفوا القرايب وبكون أهل العروس عاملين غدا وببعتوه لأهل العريس والغدا أما بكون مسخن أو دجاج محشي أو خروف محشي وكمان سدر كنافه تحلايه لأهل العريس.

مباركه يوم العرس لما يجو اهل العريس ياخذو العروس ما كان حدا يروح مع العروس غير امها وبعدها توصلها بتروح الام بس ادخلها على الدار وثاني يوم بروحوا اهل العروس بيوخذوا معهم شوال رز وشوال سكر وحلو وراحه وفستق وبزر بطيخ وبهارات وقهوه ساده وذبايح بروحو اهل العروس على اهل العريس وبذبحوا الذبايح وبتطبخوها واهل العريس بيوكلوا من اكل اهل العروس واهل العروس بيوكلوا من اكل اهل العريس وبعد هيك بجيبو يحلو من الراحه والبسكوت وبعدين بسهرو مع بعض وبعد هيك بسلموا اهل العروس على اهل العريس وبروحو

هي مناسبة فرح بتكون بعد ليلة العرس مباشره يعني ثاني يوم العرس بروح الأم والأب (للعروس)  عليها وقت الصبح يكونوا ماخذين معهم حلويات وفي الأغلب كنافه وأهل العريس بيجوا وبيجيبوا معهم فطور للعرسان بيضمن أنواع وأصناف مختلفه من الآكل وبجتمعوا العيلتين عندهم ولكن أهل العريس بيظلوا يجيبوا للعرسان فطور  وغداء وعشا لمدة أسبوع وفي ناس ما بيجوا على بنتهم من ثاني يوم الا بعد أسبوع بعد ما تطلع عليهم بنتهم بعديين هما بيجوا عليها ولكن هذا الاشي نسبتوا قليله مش الكل هيك.

تغنى في الاعراس ومناسبات الاحتفالات أغاني اهل العريس :- بتكون مجموعه من النسوان من أصحاب والقرايب والجيران بغنوا بالطبلة أو الدف " غنيلوا يا بنات عمو يا محمد ترى زال همو"   و غنيلوا يا بنات جنو يا محمد هذا اليوم عرسو"  و "وين امك تنهنيها يا محمد وفي علاليها نرقص ونغني في علاليها" وعند الرجال بيكون محطوط ايرغول والطبل وبتقوم وحده من أهل العريس وبتغطي كل شيء فيها ما عدا عيونها بتحاشي قدام الرجال في الدحيه ومعها سيف عند أهل العروس:- بتكون مجموعه من صحباتها وقراباتها وجارتها بغنولها " مية اسم الله يا عروس عريسك ذهب وسلافك ما شاء الله" و  مية اسم الله يا أم اسوره عيسك ذهب وسلافك أماره"  و  "مية

عرس العرب الو مراسمه وأوقاته وغالباً ما بكون هاد العرس بفصل الصيف وبكون أربع أيام لازم تكون هاي الايام تبدأمن يوم الثلاثاء الى يوم الجمعه ، الثلاثاء والاربعاء بتكون سهرة شباب بجيبوا اهل العريس فيها فرق شعبيه اما الخميس فبكون فاردة وابجيبوا العروس بحتفلوا فيهم شوي بعدين بروحوا الناس الغريبه وبضلوا القرايب عشان بجهزوا ليوم الجمعة الي بكون يوم الغدا وطبعاً بكون الغدا منسف بلدي أصلي ليلة الجمعه بدبحوا الخرفان وبنظفوا اللحم وبضلوا يجهزوا لحتى الصبح صباح الجمعه ببنوا صيوان ويفرشوا سجاد وبحطوا طوايل وكراسي وبعد صرة الظهر بكون الغدا جاهز ومحطوط والضيوف بنتطوا العريس

احنا عنا الزواج على السنه المحمديه بيصير فيه كتب الكتاب عند شيخ وبيتوثق بالمحكمه وعادة بيصير الزواج من وحده فقط حسب ما جاء بالقران الكريم لانه ربنا سمح بالزواج من اكثر من وحده لاسباب لكن الأساس وحده واحنا إذا واحد بدو ياخذ او يتزوج وحده ثانيه لازم يطلق الاولى احنا ما عنا  جمع بين تنتين لانه من عاداتنا انه تكون وحده بس على ذمته واحنا كمان من عاداتنا انا ما بنعطي لحدا ولا بناخذ من حدا براة العشيره زي بني حسن وزي الشيشان وما بيعطو الا الهم "من بعض" غالباً هيك والمهر عنا بيتراوح بين (1-300) مقدم و 500 دينار لغاية 1000 ذهب و1000 دينار مؤجل

يوم العرس بيوم الزفاف  يقوم العريس بتجهيز سيارة الزفاف وتزينها بالورد وأهل العريس يجهزو أكل للفارده للمدعويين لحفل العرس اذا كان مساويين الحفله بالدار"البيت..  يروح العريس "يوادي" يآخذ عروسه ل الصالون حتى تزين شعرها ووجها بالمكياج وتبقى بالصالون هي واختها او رفيقتها مدة ثلاث ساعات قبل الفارده بساعتين يروح العريس يجيب "يحضر" العروس من الصالون ويوديها ويرجعها لبيت أهلها يكونن يستننها قراباتها الي عازمتهن وخالاتها وعماتها.  وبالوقت المحدد للفارده يطلع المدعويين بسياراتهم بموكب سيارات تكون اوله السياره المزينه الي جهزها العريس وبروحو لبيت العروس حتى ياخذوها (الصاله أو للفندق او لبيت أهل العريس

صار العريس يوم العرس طبعاًببقى تجهيزات بيبقى عندهم

طلعت العريس هي عباره عن احد طقوس العرس وتكون عباره عن مجموعه من السيارات اللي تتجمع عند بيت العريس وبتكون مكونه من سيارات قرايب العريس واصحاب العريس وجيران العريس وتتكون متجمعه كل السيارات عند بيت العريس قبل العرس بفتره  منيحه وتباأ الفارده من بيت العريس الى بيت العروس طبعاً بتكون الفارده او طريق الفارده يكون عباره عن بداية الاحتفال بالعرس يعني يكون جزء منا العرس وفي الطريق بتكون كل سيارات الفارده ماشيه مع بعض وببلشو يزمروا ويغنوا وكل السيارات بتكون  ماشيه بسرعه واحده ما في سياره بتسبق الثانيه ويكون مشغلين الرباعي في السيارات عشان كل السيارات إضل ماشيه مع بعضها وما حد يتوه ولما توصل الفارده