هي أكلة شعبية قديمة، عرفت في قديم الزمان وما زالت إلى الآن، وهي تنتشر في جميع مناطق البلقاء، وهي مهمة لكونها تحضر مع وجبة الفطور، وممكن عمل حلويات منها مثل المبروشة.

المكونات: الطريقة الأولى: كيلو مشمش، كوب ماء، عصير حبة ليمون، كيلو سكر.

الطريقة الثانية: كيلو مشمش، كيلو سكر، عصير حبة ليمون.

طريقة (1): بنجيب المشمش وبنغسله وبنصفيه، وبنقيم منه البزر، وبنحط حبات المشمش والمي وعصير الليمون في طنجرة على غاز لمدة ربع ساعة، وبعدين بنحط عليه السكر وبنخليه على الغاز لمدة 15-20 دقيقة، وبنظل نحرك وبنقيم الرغوة يلي بتطلع على سطح الطنجرة بمعلقة خشبية، بعدين بنقيم حبات المشمش من المزيج وبنخليه يغلي لفترة 10-15 دقيقة، وبنخلي القطر على جنب حتى يصير فاتر، بعدين بنحط حبات المشمش فوق القطر ويترك المزيج على جنب حتى يبرد تماما، بعدين بنعبيه في قوارير زجاجية.

طريقة (2): بنغسل المشمش وينصفيه وبنقيم منه البزر، وبنحط حبات المشمش والسكر في وعاء لاا يصدأ وتترك لمدة 12 ساعة، بعدين بنحط المزيج على النار حتى يبدأ بالغليان، بعدين بنخفف درجة حرارة وبنخلية لمدة 5-7 دقائق إضافية، بعدين بنصب المزيج في صواني واسعة من الألمنيوم وبنغطيه بشاش أبيض ونتركه لمدة 6 إلى 7 أيام إلى أن يصبح العصير كثيفاً، وبعدين يعبأ بقوارير زجاجية.