وهو يعتبر رمز الى قواتنا المسلحة الاردنية والى البادية الاردنية.

يتم نسيج حواف الشماغ بواسطة السنارة أو الابرة وبعد نسيج حواف الشماغ بالخيوط البارزة يتم ربط كل بضعة خيوط ببعضها ومن ثم قصها بواسطة المقص.

وبعد القص تعطي منظر جمالي للهدب.

وبعد ذلك يتم تصميم ( الرمايات ) وهي جزء بارز هدفه تزيين الشماغ من حواف جهاته الاربعة لاعطائه مزيدا من الجمال

يتكون تهديب الشماغ الاردني من الابرة او السنارة , خيوط قطنية بيضاء اللون وقطن , هذه الخيوط تكون خيوط قطنية خاصة تستعمل خصوصي لتهديب الشماغ بنقص الخيط طوله شبر بندخله بالابره ونمسك طرف الشماغ واندخل الابرة من تحت وفوق

وبعد ذلك نثبت مجموعة خيطان بالاصبع الكبير وبعد ذلك ما يكون بعد ذلك ما يكون مسافة اطول بين الشماغ والربط

ممكن الخيطان التي تم قصها بعد التهديب تستعمل مرة ثانية للتهديب.[1]

هناك نوعان من التهديب اول نوع يفرد الشماغ على شكل مربع ويتهدب على الاربع جهات اما ثاني نوع فانه يطبق على شكل مثلث ويتهدب جهتان منه فقط .

له شكل بمعنى خيطان خاصة للتهديب حيث تكون بيضاء اللون وغليظة قطنية [2]

نشتري الشماغ من السوق واحنا الحمايدة الشماغ دايماً احمر وكل الاردنيين شماغهم احمر بس في ناس بلبس قضاضة ( الحطة البيضاء) وتطلريزة بني حميدة تختلف شوية.

نقص داير الشماغ بس مو كثير شوية , ونكفه على الماكنة وتكون الكفه عريضة شوية ( ردة عريضة أو طية عريضة ).

وانحط مية وملح بجاط وننقع الشماغ بيها حتى ما يحل لونه على الهدب اللي ودنا نهدبه ونغسله وننشره لما ينشف.

ونجيب فتلة ( خيوط) نوعين لونها ابيض مثله وكبب بيض ويكونن مخصصات لتهديب الشماغ , ونجيب ابرة خصوصي لتهديب الشماغ وكل هاي الشغلات نشتريها من السوق.

ونجيب اول اشي الكبة ونغز الخيط بطرف الشماغ ونعقده عقدتين على داير الشماغ كله بالابره ويكونن الخيوط قراب من بعض.

وبعد ما نخلص داير الشماغ كامل نجيب الشلة ويختلف عن خيط الكبة مايلة للقطن اكثر ونجيب خيط من الشلة ونعقده براس الخيط اللي من الكبه على داير الشماغ عقدتين وزي هيك لما انخلص على داير الشماغ اللي خيطنا عليه الكبه لما يصير كله معقد على اربع جهات لانه تعقده عقدتين ويكون لاوم كله على مستوى واحد.

وهسى بيجي دور الشراشب ( الهدب )

تكون قد حبة الحمص ( اكبر من حبة الحمص) وفي اكبر حجم منها كمان نجيب خرزة تكون اكبر من حبة الحمص ونخيط عليها من الكبب ونرتب الخيط اللي من الكبب على الخرزة كاملة ( نلف الخيط على الخرزة )لما ما تبين الخرزة ونعقد الخيط.

وطبعا الخرزة نلفها على طرف الشماغ اللي على الزوايا الاربع يعني نساوي اربع خرزات من كل جهة خرزة وبعد ما يخلص الخرز نجدل خيوط من الشلة وندليهن من الخرز ويصير زي الشراب

وندلي من الجدلة اللي نازله من الخرزة ثلاث جدلات يكون اصغر شوية وباخر كل جدلة صغيرة عقدة صغيرة وهيك على الاربع جهات نساوي

واحنا نهدب ولما انكون اكثر من وحدة نهدب ونغني ( يا أبو الشماغ الاحمر ياللي مهدب عالداير ... واني هدبته بايدي......[3]

  حرفة تهديب الشماغ من الحرف الممتعة والجميلة حيث يتم نسج حواف الشماغ بالسنارة وبعد نسجها ببعضها يتم ربط كل بضعة خيوط ومن ثم يتم قصها بواسطة المقص لتعطي منظراً جميلا للهدب ويتم تصميمجزء هام وهو الرمايات لاعطائه من حواف جهاته الاربع مزيداً من الاناقة والجمال , ففي الماضي كانت هذه الحرفة شائعة وواسعة نظرا لكثرة الذين يلبسون الشماغ اما في الوقت الحاضر فنظرا لكثرة الموديلات والموضة الحديثة قلت اعداد الذين يلبشون الشماغ بشكل كبير , حتى احبو الشماغ المحييوك على الالات الحديثة وبدأت الناس لا تهتم بلبس الشماغ المهدب والعقال واصبحو يهتمو بالبدل والبناطيل المزخرفة وغيرها من الموديلات.[4]